Ajshe Damati-Bekteshi përmbyll karrierën 38-vjeçare në shërbim publik
Pas një angazhimi të gjatë në institucionet publike, Ajshe Damati-Bekteshi është pensionuar, duke mbyllur një kapitull 38-vjeçar pune dhe përkushtimi.
Me këtë rast, ajo u prit në një takim nga kryetari i Komunës së Vitisë, Sokol Haliti, së bashku me bashkëpunëtorët e tij, ku u vlerësua lart kontributi i saj ndër vite.
Damati-Bekteshi e nisi rrugëtimin profesional në arsim, ku spikati si drejtoreshë e çerdhes “Gëzimi ynë” në Viti, ndërsa më pas dha kontribut edhe në Gjykatën e Vitisë.
Kryetari Haliti theksoi përkushtimin dhe profesionalizmin e saj, duke e cilësuar si model të shërbimit ndaj komunitetit. Nga ana e saj, Damati-Bekteshi shprehu mirënjohje për vlerësimin dhe mbështetjen e marrë gjatë gjithë karrierës.
Në përfundim, ajo u nderua me mirënjohje për kontributin e dhënë ndër vite, me urimet për një pensionim të qetë dhe me shëndet.
