SC Gjilan, KOMUNIKATË ZYRTARE | Hamdi Namani firmos me të drejta të plota deri në vitin 2028
Klubi ka zyrtarizuar transferimin përfundimtar të futbollistit Hamdi Namani, i cili pas një periudhe gjashtëmujore si i huazuar nga klubi kryeqytetas, tashmë bëhet pjesë e përhershme e skuadrës kuqe e bardh.
Namani ka nënshkruar kontratë të re afatgjatë, e cila e lidh me klubin deri në verën e vitit 2028, duke konfirmuar besimin e plotë të drejtuesve në performancën dhe potencialin e tij.
Gjatë periudhës së huazimit, ai ka arritur të fitojë hapësirë të rëndësishme në skuadër dhe të dëshmojë stabilitet në paraqitjet e tij, çka ka shtyrë klubin drejt vendimit për ta bërë transferimin të përhershëm.
Me këtë marrëveshje, klubi synon të forcojë vazhdimësinë dhe stabilitetin në skuadër, duke ndërtuar një projekt afatgjatë me lojtarë që përshtaten me filozofinë e ekipit.
Drejtuesit e klubit vlerësojnë angazhimin e Namanit dhe shprehen të bindur se ai do të jetë një element i rëndësishëm në objektivat e ardhshme sportive.
Hamdi Namani tashmë mbetet zyrtarisht pjesë e familjes kuqe e bardh deri në vitin 2028.
