Piktori kosovar Hajrush Fazliu pjesë e simpoziumit ndërkombëtar të artit në Turqi
Piktori nga Kosova, Prof. Hajrush Fazliu, po merr pjesë në International IX Art Symposium 2026, që po mbahet në Stamboll – Şarköy, Tekirdağ (3–12 korrik 2026).
Ky aktivitet prestigjioz bashkon artistë, profesorë dhe krijues nga Evropa, Azia dhe Amerika, duke promovuar dialogun kulturor dhe artin bashkëkohor në një platformë ndërkombëtare.
Fazliu vlerësoi pjesëmarrjen e tij si një nder dhe mundësi për të përfaqësuar Kosovën dhe artin shqiptar në skenën globale, duke theksuar rëndësinë e artit si “gjuhë universale që lidh popujt përtej kufijve”.
Simpoziumi po zhvillohet në Stamboll dhe Şarköy, ku artistët po krijojnë vepra të reja dhe po shkëmbejnë përvoja në një atmosferë bashkëpunimi kulturor.
Ai falënderoi organizatorët Orhan Cebrailoglu dhe patronin Bülent Kapaklioglu për mikpritjen dhe mundësinë për të qenë pjesë e këtij eventi ndërkombëtar.
Pjesëmarrja e Fazliut konsiderohet një tjetër prezantim i rëndësishëm i artit kosovar në arenën ndërkombëtare.
