Goditja e radhës e Dritës në merkato, rikthehet Hajdin Salihu

FC Drita ka zyrtarizuar rikthimin e mbrojtësit Hajdin Salihu, i cili do të veshë sërish fanellën bardhekaltër, duke përforcuar repartin defensiv të kampionëve të Kosovës.

24-vjeçari rikthehet në Gjilan pas një eksperience në futbollin ukrainas dhe atë polak, ku fitoi përvojë të vlefshme në arenën ndërkombëtare. Nga klubi vlerësojnë se Salihu sjell cilësi, karakter dhe siguri në mbrojtje, ndërsa rikthimi i tij konsiderohet një përforcim i rëndësishëm për objektivat e sezonit të ri.

Prezantimi zyrtar i mbrojtësit u bë nga drejtori sportiv i FC Dritës, Valon Zymberi, i cili i uroi mirëseardhje futbollistit në rikthimin e tij te skuadra gjilanase.

Në njoftimin e klubit thuhet: “Mirë se u ktheve në shtëpi, Hajdin! Le të shkruajmë bashkë kapituj të rinj të historisë së Dritës.”