Avokati i Amir Rrahmanit: Sulmet ndaj ish-kapitenit u intensifikuan pas takimit me Kurtin
Taulant Hodaj: Takimi i qershorit të vitit të kaluar doli të jetë problem për Rrahmanin.
PRISHTINË, 18 Nëntor 2026 – Avokati i ish-kapitenit të Kombëtares së Kosovës, Amir Rrahmanit, Taulant Hodaj, ka deklaruar se sulmet e orkestruara ndaj mbrojtësit u shtuan pas takimit që ai pati me kryeministrin Albin Kurti.
Sipas Hodajt, takimi i mbajtur në qershor të vitit të kaluar doli të jetë problematik për ish-kapitenin.

“Sulmet e orkestruara ndaj Amir Rrahmanit u intensifikuan pas takimit të tij me Kryeministrin e Kosovës vitin e kaluar” – ka thënë Hodaj.
Takimi mes Rrahmanit dhe Kurtit u zhvillua në qershor të vitit 2025, ku kryeministri e falënderoi mbrojtësin për përfaqësimin e denjë të Kosovës në arenën ndërkombëtare.
Mirëpo, tre muaj më vonë, në shtator të vitit 2025, Amir Rrahmani njoftoi publikisht se do të largohet nga Kombëtarja e Kosovës, vendim që ngjalli shumë reagime.
Avokati Hodaj nuk ka dhënë detaje të tjera se kush qëndron pas këtyre sulmeve, por ka theksuar se intensifikimi i tyre erdhi menjëherë pas takimit zyrtar me kreun e Qeverisë.
