Sot mbyllet një pjesë e rrugës Kllokot-Gjilan, shkaku i punimeve në infrastrukturë rrugore
Rruga do të mbyllet nga dita e hënë, (sot) 21 nëntor 2022, dhe do të qëndroj plotë 15 ditë pa qarkullim, duke filluar çdo ditë prej orës 07:00 deri në orën 18:00
Ministria e Mjedisit, Planifikimit Hapësinor dhe Infrastrukturës, ka njoftuar se për shkak të punimeve në rehabilitimin e një segmenti të rrugës Rajonale R221 Kllokot – Gjilan, gjegjësisht nga fshati Radivojcë, deri në fshatin Budrigë e Poshtme, do të mbyllet kjo pjesë e rrugës, nga data 21 nëntor 2022 dhe do të jetë i mbyllur për 15 ditë për qarkullim prej orës 07:00 deri në orën 18:00 e kësaj rruge.
“Ju lutemi që gjatë kësaj kohe automjetet jo më të mëdha se 3.5 tonë, të shfrytëzojnë rrugën alternative, ndërsa banorët e vendbanimeve përgjatë këtij segmenti mund të shfrytëzojnë me kujdes të shtuar rrugën ekzistuese.”, njofton Ministria e Mjedisit, Planifikimit Hapësinor dhe Infrastrukturës.
DKA GJILAN – SHPALLË KONKURS
