Sherif Hasani vjen me “Nostalgjia”, balada që pritet të prekë zemrat e publikut
Këngëtari gjilanas Sherif Hasani po sjell projektin e tij më të ri muzikor, një baladë emocionale me titull “Nostalgjia”, e cila publikohet këtë të martë.
Kënga mban firmën e vetë Sherif Hasanit në tekst dhe interpretim, ndërsa muzika dhe orkestrimi janë realizuar nga Mentor Latifi. Ky bashkëpunim sjell një ndërthurje të ndjenjave të thella me një vijë melodike të kuruar me kujdes.
“Nostalgjia” trajton temën e mallit dhe kujtimeve, duke synuar të krijojë një lidhje të drejtpërdrejtë me dëgjuesin dhe dashamirët e muzikës baladë.
Projekti vjen i kompletuar edhe me videoklip, i realizuar nga VideoArt, i cili i shton vlerë artistike dhe vizuale këtij publikimi.
Sherif Hasani ka një aktivitet të gjatë në muzikë, me mbi një dekadë krijimtari dhe më shumë se 12 këngë të realizuara. Në vitin 2016 ai publikoi albumin e tij të parë “Ku je ti”, me 12 këngë origjinale. Ndër projektet më të veçanta mbetet edhe dueti me vajzën e tij, Saranda Hasani, “Do të kthehemi përgjithmonë”.
Publikimi i “Nostalgjia” pritet të mirëpritet nga publiku dhe të zërë vend në mesin e projekteve më të pëlqyera të këtij zhanri.
