Bayern Munich shpallet kampion i Gjermanisë, titulli vuloset me fitore ndaj Stuttgartit
Bayern Munich është shpallur kampion i Gjermanisë, pasi ka siguruar një fitore bindëse 4:2 ndaj Stuttgartit, në një ndeshje të mbushur me gola dhe ritëm të lartë.
Takimi nisi më mirë për mysafirët, të cilët kaluan në epërsi në minutën e 21-të me golin e Chris Führich për 0:1.
Reagimi i Bayernit ishte i menjëhershëm. Në minutën e 31-të, Raphael Guerreiro barazoi shifrat pas një asistimi nga Jamal Musiala, ndërsa vetëm dy minuta më vonë bavarezët përmbysën rezultatin me golin e dytë për 2:1.
Vendasit vazhduan dominimin dhe në minutën e 37-të e thelluan epërsinë në 3:1, pas një aksioni të shpejtë që përfundoi në rrjetë.
Në pjesën e dytë, Bayern e mbylli çështjen e fituesit në minutën e 52-të, kur Harry Kane shënoi për 4:1, duke përfituar nga një top i kthyer në zonë.
Stuttgarti arriti të ngushtojë rezultatin në fund të ndeshjes, kur në minutën e 89-të realizoi për 4:2, por pa arritur të ndryshojë fatin e takimit.
Me këtë fitore dhe me 79 pikë të grumbulluara, Bayern Munich siguron titullin e kampionit në Bundesliga, duke kurorëzuar një sezon të suksesshëm.
