Shembull i mirë, kamarieri i Gjilanit gjen portofolin me para dhe ia kthen pronarit
“Ergin Salihu, një kamarier nga Gjilani, ka treguar një veprim të jashtëzakonshëm human. Gjatë orarit të punës në kafeterinë “Tabù Lounge & Bar”, ka gjetur një portofol që përmbante dokumente personale dhe një shumë të konsiderueshme të hollash, të cilan ia ka kthyer pronarit”, shkruan Infosot, përcjell TV Gjilani.
Portofoli i përkiste një qytetari nga Gjilani dhe u dorëzua menjëherë nga Salihu te menaxhmenti i lokalit.
“Pas verifikimit të identitetit të qytetarit, menaxherët e kafeterisë arritën ta kontaktojnë atë përmes rrjeteve sociale dhe ia kthyen portofolin bashkë me të gjitha sendet”.
“Pronari i portofolit ka falënderuar me mirënjohje të thellë Erginin dhe gjithë stafin e “Tabù Lounge & Bar” për këtë veprim shembullor, duke e quajtur një akt human që meriton vlerësim të lartë.
