Maturantët e Gjimnazit “Xhavit Ahmeti” nisin ekskursionin në Shqipëri, vizitojnë Lezhën dhe bregdetin e Durrësit
Nxënësit maturantë të Gjimnazit Natyror Gjimnazi Natyror “Xhavit Ahmeti” kanë nisur këtë javë ekskursionin treditor në Shqipëri, i cili po shoqërohet me vizita kulturore, aktivitete argëtuese dhe momente relaksi pranë bregdetit shqiptar.
Gjatë ditës së parë të udhëtimit, maturantët kanë vizituar qytetin historik të Lezhës, ku janë ndalur në kompleksin memorial të heroit kombëtar Gjergj Kastrioti Skënderbeu. Aty, përmes rrëfimeve të ciceronit, ata janë njohur më nga afër me historinë e Skënderbeut, varrin e tij, si dhe simbolet historike të kohës.
Pas vizitës kulturore, nxënësit kanë vazhduar drejt Durrësit, ku janë akomoduar në hotel dhe kanë shijuar pasditen buzë Detit Adriatik. Moti i favorshëm u ka mundësuar atyre të kalojnë kohë në plazh dhe të përjetojnë atmosferë verore.
Sipas organizatorëve, ekskursioni do të vazhdojë edhe në ditët në vijim me aktivitete të tjera kulturore, edukative dhe argëtuese për maturantët.
