Gjilan: Kryetari Hyseni shpreh ngushëllime për dy jetët e humbura në fshatin Demiraj
Kryetari i Komunës së Gjilanit, Alban Hyseni, ka reaguar pas rastit tragjik të ndodhur sot në fshatin Demiraj, ku humbën jetën dy persona.
Përmes një reagimi publik, Hyseni ka shprehur ngushëllime për familjarët dhe të afërmit e viktimave, duke e cilësuar ngjarjen si një tragjedi që ka prekur gjithë komunitetin.
Ai ka theksuar se rrethanat e rastit ende nuk janë sqaruar plotësisht, ndërsa ka shprehur pritjen që organet e rendit dhe të drejtësisë të angazhohen për zbardhjen e plotë të tij.
Në emër të Komunës së Gjilanit, kryetari Hyseni u ka shprehur ngushëllimet më të sinqerta familjarëve të viktimave.
