Gjilan-Berat: Hapet ekspozita personale e artistit Zeqirja Rexhepi në Galerinë “Edward Lear”
Berat: Hapet ekspozita personale e artistit Zeqirja Rexhepi
Më 2 korrik 2026, në ora 19:30, në Galerinë e Arteve “Edward Lear”, pranë Qendrës Kulturore “Margarita Tutulani”, në qytetin e Beratit, hapet ekspozita personale e artistit nga Gjilani me banim në Kanada, Zeqirja Rexhepi.
Ekspozita sjell për publikun mbi 40 punime artistike, të cilat përfaqësojnë një trashëgimi emocionale të mbartur në çdo etapë të jetës së autorit. Veprat dallohen për teknikën e gjallë, ngjyrat plot energji dhe kompozimin dinamik, ku ndërthuren figura muzikantësh të stilizuar, të mbështjella me ndjenjën e nostalgjisë dhe një ritëm të fuqishëm vizual.
Kjo ekspozitë fton vizitorët në një udhëtim artistik, ku kujtesa, identiteti dhe emocioni shprehen përmes një gjuhe figurative bashkëkohore.
Ekspozita do të qëndrojë e hapur për publikun deri më 12 korrik 2026.
