Tragjedi në Gjilan: 75-vjeçar humb jetën gjatë pastrimit të bunarit
Një ngjarje e rëndë ka ndodhur në fshatin Dobërçan të Gjilanit, ku një 75-vjeçar ka humbur jetën pasi dyshohet se ka rënë brenda një bunari gjatë pastrimit të tij.
Lajmi eshte Konfirmuar për TV Gjilani nga zëdhënësi i Policisë Rajonale në Gjilan, Ismet Hashani.
Një ngjarje tragjike ka ndodhur më 29. 06. 2026 në fshatin Dobërçan të Gjilanit, ku një person ka humbur jetën pasi dyshohet se ka rënë në një pus gjatë pastrimit të tij.
Sipas Policisë së Kosovës, njësitet patrulluese kanë dalë menjëherë në vendin e ngjarjes, ku është konstatuar se viktima (1951) kishte rënë në pus.
Zjarrfikësit kanë bërë zbrazjen e pusit dhe kanë nxjerrë trupin e pajetë, ndërsa mjeku kujdestar ka konfirmuar vdekjen në vendin e ngjarjes.
Në vend kanë intervenuar edhe njësitet hetimore rajonale dhe forenzika, ndërsa me vendim të prokurorit trupi është dërguar në IML për obduksion. Hetimet për rrethanat e rastit po vazhdojnë.
Sipas të dhënave fillestare, viktima ishte duke punuar në bunar kur ka humbur ekuilibrin dhe ka rënë në ujë. Bunari kishte rreth 6 metra thellësi, me pjesën më të madhe të mbushur me ujë.
Në vendin e ngjarjes kanë intervenuar policia, zjarrfikësit dhe ekipet mjekësore, të cilët kanë nxjerrë trupin e pajetë pas zbrazjes së bunarit. Mjeku kujdestar ka konstatuar vdekjen në vend.
Rasti është cilësuar si “hetim mbi vdekje”, ndërsa autoritetet po vazhdojnë hetimet për sqarimin e plotë të rrethanave.
