Ndahet nga jeta Rexhep Hamiti, ish-kryetar i Gjilanit dhe ish-deputet
GJILAN, 19 Nëntor 2026 – Në moshën 95-vjeçare është ndarë nga jeta Rexhep Hamiti nga Zhegoci i Gjilanit, personalitet i njohur i jetës politike dhe publike në Anamoravë.
Rexhep Hamiti lindi më 25.12.1931 në fshatin Zhegoc të Gjilanit. Me profesion ishte ekonomist i diplomuar. Shkollimin e kreu në Pejë dhe Prishtinë.
Gjatë jetës së tij profesionale ka mbajtur disa funksione të rëndësishme. Ka punuar si mësues në Pozharan dhe Tërpezë, e më pas si drejtor komercial në Kombinatin e Tekstilit.

Në vitin 1969 u zgjodh nënkryetar i Kuvendit Komunal të Gjilanit dhe delegat në Kuvendin e Kosovës. Më vonë shërbeu si sekretar i Punëve të Brendshme dhe për 3 vjet e 6 muaj ishte Kryetar i Komitetit Komunal të Gjilanit.
Karrierën e vazhdoi si deputet në Kuvendin e Jugosllavisë në dy mandate, nga viti 1982 deri në vitin 1993. Për shkak të angazhimit të tij politik u arrestua dhe u dënua nga regjimi i atëhershëm serb.
Për kontributin e tij në mbrojtjen dhe avancimin e të drejtave të shqiptarëve, në vitin 2020 u nderua me mirënjohje nga Komuna e Gjilanit.
Ngushëllime familjes Hamiti dhe gjithë qytetarëve të Gjilanit!
