Wednesday 18 November 2026
Advertisement
Advertisement
TV Gjilani TV Gjilani
  • Kreu
  • Lajme
  • Sport
    • Basketboll
      • NBA
      • Superliga e Kosovës
    • Futboll
      • Superliga e Kosovës
      • Champions League
      • Europa League
      • Konferencë League
  • Kulturë
    • Teatër
    • Film
    • Letërsi
    • Arte Pamore
  • Shëndeti
  • Marketing
    • Automjete
    • Banesa
    • Konkurse
    • Lajmërime
    • Lokale
    • Njoftime
    • Pajisje teknologjike
    • Shitëblerje
    • Shpallje
    • Shtëpi
    • Telefona
    • Troje
logo
Edit Content
TV Gjilani TV Gjilani
  • most recent news
  • trending news
  • most read
  • All Video
  • Image gallery
  • more
Teknologji

Amazing Model On Site

15 June 2021
Teknologji

Beauty Model Working on

15 June 2021
Teknologji

Victoria’s Secret Afterparty Goes

15 June 2021
Teknologji

Sisters Land Fashion Role

15 June 2021
Teknologji

Best Dressed Men in

15 June 2021
Sport

Të dielën do të

8 July 2021
  • Accessibility
  • Help
  • Contact
  • About qoxag

Lajmi i Fundit

Aplikimi për lejeqëndrim në Kosovë tashmë mund të bëhet online përmes e-Kosovës

Kuvendi mblidhet të enjten, në rend dite edhe Buxheti për vitin 2027

Përfundojnë kontrollet sistematike në shkollat me nxënës shqiptarë në Kamenicë

Aktivizohet platforma ngritëse në Shtëpinë e Kulturës “Isa Kastrati” në Kamenicë

Tragjedi në Roganë të Kamenicës, 48-vjeçari dyshohet se konsumoi detergjent në shtëpi, vdes në QKUK

Mimoza Kadriu Qerimi: Nga sot polici në Qendrën për Punë Sociale në Gjilan për siguri

Gjykata Themelore në Gjilan dënon ashpër sulmin ndaj dorëzuesit të saj, Zharko Stojanoviq – “Sulmet

Shengyl Imami kujton me dhimbje dhe krenari ditën e parë të punës në Shtëpinë e

Karton i kuq, dy gola nga penalltitë, Kosova bie në Dublin por mbetet me mundësinë

Fejzullah Krasniqi zgjidhet kryetar i Akademisë së Shkencave dhe të Arteve të Kosovës

 Izmi Zeka: Nuhi Berisha – Nga demonstratat e ’81 te organizimi ilegal dhe sakrifica për liri
Opinione

Izmi Zeka: Nuhi Berisha – Nga demonstratat e ’81 te organizimi ilegal dhe sakrifica për liri

3 October 2026 0 Comment 9 min read

AA

OPINION nga Izmi Zeka – Me rastin e 65-vjetorit të lindjes së Heroit Nuhi Berisha

Nuhi Berisha: Veprimtaria kombëtare, krijimtaria dhe rruga drejt luftës çlirimtare

Nuhi Berisha, ndonëse në moshë të re, u angazhua në veprimtarinë kombëtare shqiptare në Kosovë dhe në përpjekjet për organizimin e rezistencës kundër pushtetit jugosllav. Ai ishte pjesëmarrës në zhvillimet e vitit 1981, veprimtar i organizimit ilegal dhe autor i shkrimeve me karakter politik, historik e organizativ.

Izmi Zeka

Veprimtaria e tij përbën një lidhje ndërmjet përvojës së demonstratave të vitit 1981, veprimtarisë së organizuar ilegale dhe përpjekjeve të mëvonshme për krijimin e parakushteve të luftës çlirimtare.

Në vlerësimin e figurës së Nuhi Berishës, krahas veprimtarisë së tij atdhetare, rëndësi të veçantë ka edhe krijimtaria e shkruar. Ai botoi veprën “Pranvera e Luleve të Kuqe” dhe përgatiti broshurën “Mendime mbi organizimin”. Këto dy vepra paraqesin dy aspekte të veprimtarisë së tij: dëshminë dhe reflektimin mbi zhvillimet politike të fillimit të viteve ’80, si dhe mendimin e tij për organizimin e veprimtarisë ilegale.

Krijimtaria dhe dëshmitë për demonstratat e vitit 1981

“Pranvera e Luleve të Kuqe” është një dëshmi e rëndësishme për demonstratat e vitit 1981, të parë nga këndvështrimi i një pjesëmarrësi dhe veprimtari që i përjetoi drejtpërdrejt ato zhvillime.

Nuhi Berisha i përshkruan ngjarjet që nga demonstrata e 11 marsit, duke vijuar me zhvillimet e 26 marsit, 1 dhe 2 prillit dhe me pasojat e tyre. Në vepër trajtohen atmosfera në konvikte, përfshirja e studentëve dhe shtresave të tjera të shoqërisë, reagimi i pushtetit, arrestimet, dhuna dhe shtrirja e demonstratave në pjesë të ndryshme të Kosovës.

Në shkrimin “Dimra të vështirë”, Nuhi Berisha përshkruan fillimin e demonstratës së 11 marsit në mensën e studentëve. Sipas rrëfimit të tij, pakënaqësia për kushtet e ushqimit u shndërrua në protestë dhe më pas në marshim drejt qytetit. Studentëve iu bashkuan edhe qytetarë të tjerë, ndërsa kërkesat fillestare për kushte më të mira të jetesës u shndërruan gradualisht në kërkesa politike.

Berisha përshkruan edhe qëndrimet e ndryshme brenda Universitetit të Prishtinës. Ai vëren se një pjesë e profesorëve i përkrahnin studentët, ndërsa kishte edhe të tjerë që e kundërshtonin veprimtarinë e tyre dhe mbanin qëndrime në përputhje me politikën zyrtare.

Në vijim të veprës, Nuhiu përshkruan zgjerimin e demonstratave, sidomos më 26 mars. Ai sjell hollësi mbi grumbullimin e njerëzve, komunikimin ndërmjet demonstruesve, këngët dhe parullat, rrethimin nga policia dhe përdorimin e njësive speciale. Ndër parullat e përmendura prej tij ishin: “Duam shokët”, “Duam kushte”, “Duam liri”, “Unitet”, “Trepça është jona”, “Poshtë tradhtarët” dhe, më pas, “Kosova Republikë”.

Ngjarjet e 1 dhe 2 prillit zënë një vend tjetër të rëndësishëm në libër. Në shkrimin “Prilli i kuq”, ai trajton edhe fjalimet e mbajtura para demonstruesve dhe qartësimin e kërkesave politike. Në këtë kontekst përmendet edhe figura e “punëtorit”, me të cilën identifikohej Hydajet Hyseni.

Në pjesët e mëvonshme të veprës trajtohen pasojat e demonstratave: shpallja e orës policore, burgosjet, mbyllja e shkollave dhe e Universitetit të Kosovës, dënimet e demonstruesve dhe përndjekja e veprimtarëve. Në fund të veprës, ai i rikthehet edhe vrasjes së Jusuf Gërvallës, Bardhosh Gërvallës dhe Kadri Zekës në Gjermani.

Veprimtaria organizative dhe bashkëpunimi me Rexhep Malën

Një aspekt i rëndësishëm i veprimtarisë së Nuhi Berishës ishte organizimi i veprimtarisë ilegale. Në këtë kuadër, krahas veprës “Pranvera e Luleve të Kuqe”, ai përgatiti broshurën “Mendime mbi organizimin”. Në të trajtohen çështje që lidhen me strukturimin e veprimtarisë, takimet, komunikimin, ruajtjen e literaturës, konspiracionin dhe disiplinën e veprimtarëve.

Pas burgosjes së një numri të madh bashkëveprimtarësh, Nuhi Berisha vazhdoi veprimtarinë. Një zhvillim i rëndësishëm ishte lirimi i Rexhep Malës nga burgu në vitin 1983. Takimi i tij me Nuhi Berishën në Gërmi, i mundësuar nga Teuta Hadri, shënoi fillimin e një bashkëpunimi të ngushtë.

Pas këtij takimi, Nuhi Berisha dhe Rexhep Mala u angazhuan në riorganizimin e veprimtarisë ilegale. Veprimtaria e tyre u zhvillua në kushte të ndjekjes së vazhdueshme nga organet e sigurimit jugosllav.

Më 10 janar 1984, forcat e policisë dhe të ushtrisë jugosllave i rrethuan në një lagje të Prishtinës. Përleshja vazhdoi gjatë natës dhe në orët e para të 11 janarit. Nuhi Berisha dhe Rexhep Mala nuk pranuan të dorëzoheshin dhe ranë gjatë përballjes me forcat serbe.

Rënia e tyre më 10–11 janar 1984 shënoi fundin e veprimtarisë së dy prej figurave të njohura të organizimit ilegal të asaj periudhe.

Figura e Nuhi Berishës përbën një ndërthurje të veprimtarisë politike, organizative dhe krijimtarisë së shkruar. “Pranvera e Luleve të Kuqe” ruan dëshmi mbi demonstratat e vitit 1981 dhe përjetimin e tyre nga një pjesëmarrës i drejtpërdrejtë, ndërsa “Mendime mbi organizimin” pasqyron konceptimin e tij për organizimin e veprimtarisë ilegale.

Përmes këtyre dy veprave dhe veprimtarisë së tij, Nuhi Berisha përfaqëson një brez veprimtarësh që e lidhën përvojën e demonstratave të vitit 1981 me riorganizimin e mëtejshëm të rezistencës kombëtare.

Share This:

Tags: Izmi Zeka Opinione
Previous post
Next post
Vali Ranch Resort
Exkluzive! – Restaurant Accorn – Makresh – Gjilan
Më të Rejat
Lajme

Aplikimi për lejeqëndrim në Kosovë tashmë mund

18 November 2026
Futboll

Kreshnik Hajrizi kërkon falje publike: “Më falni,

18 November 2026
Lajme

Kuvendi mblidhet të enjten, në rend dite

18 November 2026
Lajme

Përfundojnë kontrollet sistematike në shkollat me nxënës

18 November 2026
RELATED Stories for you
Opinione

Nga Refik Hasani – Pasivizimi i adresave

8 November 2026

Unifikimi për të garuar me një listë të përbashkët përmes “Koalicionit Shqiptar”, si dhe

Opinione

Shkruan: Izmi Zeka – FAMILJA SADIKU E

24 October 2026

Historia e familjes Sadiku të Gjyrishecit dhe strehimi i Mulla Idriz Gjilanit përbëjnë një

Lajme Opinione

Shkruan: Arton Hoxha – Sa vlen jeta

13 October 2026

Një jetë e humbur nuk kthehet më. Asnjë dokument, asnjë leje dhe asnjë pendim

TV Gjilani TV Gjilani

Adresa: Rr. Abdullah Tahiri, p. n, Gjilan, Kosovë.

Tel. +383 44 304 901

Impressum

Kategoritë

Lajme
Sport
Kulturë
Shëndeti

Marketing

Marketing
Shpallje

info@tvgjilani.com

Na ndiqni

©2026. All Right Reserved. TV Gjilani. All rights reserved. Portali Tv Gjilani. com mirëmbahet nga Kompania e Produksionit dhe Botimeve B. I. “Sfinga 07”. Të gjitha materialet e botuara dhe informacionet në këtë portal nuk mund të kopjohen ose botohen gjetiu, e as nuk mund të shtypen e të shfrytëzohen në mënyrë apo formë tjetër, ose për qëllime përfitimi, pa marrë miratimin paraprak nga Tv.Gjilani.com Për shfrytëzimin apo përdorimin e materialeve nga Tv Gjilani.com, secili është i obliguar të marrë aprovimin paraprak dhe të pranoj kushtet e cekura si më lart. Website by Hostinkos.