Nënshkruhen kontratat e përfituesve të subvencioneve në kulturë

Nënkryetarja e Komunës së Kamenicës Arta Bajralija së bashku me Drejtorin për Kulturë, Rini dhe Sport Afrim Dervishi, sot kanë bërë nënshkrimin e kontratave për përfituesit në lëmin e kulturës, rinisë dhe për individë.

Drejtori i Drejtorisë për Kulturë, Rini dhe Sport, Afrim Dervishi, ka uruar përfituesit e subvencioneve, duke shprehur mbështetjen e tij për aktivitetet dhe projektet që ata kanë planifikuar të realizojnë.

Ai theksoi se këto iniciativa jo vetëm që kontribuojnë në zhvillimin e kulturës, rinisë dhe sportit, por gjithashtu sjellin përfitime të drejtpërdrejta për qytetarët e Komunës së Kamenicës.

Sipas tij, investimi në ide dhe aktivitete që promovojnë angazhimin qytetar, kreativitetin dhe bashkëpunimin është një investim në zhvillimin e përgjithshëm të komunës dhe në krijimin e mundësive të reja për të rinjtë dhe grupet e ndryshme të interesit.

Ai u uroi suksese të gjithë përfituesve në zbatimin e projekteve, duke shpresuar që rezultatet e tyre të jenë sa më të prekshme dhe me ndikim pozitiv për gjithë qytetarët.

Vlera e plotë e subvencioneve të ndara në lëmin e kulturës është 32,000 euro, kurse për subvencionet për rininë dhe individët është 17,200 euro.

Në të dyja fushat, 21 është numri i përfituesve të kësaj mbështetjeje.