Gjilan: Dy persona të ndaluar për vepra të ndryshme penale, sipas raportit 24-orësh të Prokurorit të Shtetit
Prokuroria Themelore në Gjilan ka ndaluar dy persona në dy raste të veçanta, me urdhër të prokurorit kujdestar, në kuadër të veprimeve hetimore gjatë 24 orëve të fundit.
Sipas njoftimit, njëri nga të dyshuarit është ndaluar për veprat penale “Vetëgjyqësia” dhe “Kanosje”, ndërsa personi tjetër për veprën penale “Dhunë në familje”. Të dy ndalimet janë bërë në kohëzgjatje prej 48 orësh.
Këto raste janë pjesë e raportit të përgjithshëm 24-orësh të Prokurorit të Shtetit, ku në nivel vendi janë ndaluar gjithsej 10 persona dhe është paraqitur një kërkesë për caktim të paraburgimit ndaj një të dyshuari.
Sipas raportit, gjatë kësaj periudhe:
- Prokuroria Themelore në Prishtinë ka ndaluar 6 persona për vepra të ndryshme penale
- Prokuroria Themelore në Prizren ka paraqitur 1 kërkesë për paraburgim
- Prokuroria Themelore në Pejë ka ndaluar 1 person për 48 orë
- Prokuroria Themelore në Gjakovë ka ndaluar 1 person për 48 orë
- Prokuroria Themelore në Gjilan ka ndaluar 2 persona në dy raste të ndara
Prokuroria e Shtetit ka theksuar se veprimet po ndërmerren në koordinim me policinë, në kuadër të hetimeve për secilin rast veç e veç.
