Dy lojtarë të FC Drita ftohen në kombëtare! – Shtyhet ndeshja Drita – Prishtina, e paraparë të zhvillohet të hënën, 10 nëntor 2025
Ndërkohë që klubi ka para vetes ndeshjen e rëndësisë vecantë në Irlandë ndaj Shelbourne, ku ekspedita po qëndron, një ditë para ndeshjes, menaxhmenti i FC Drita njofton se është shtyer ndeshja kampionale e javës 13-të në Albi Mall Superligë.
Sipas njoftimit, arsyeja e shtyerjes së ndeshjes rëndësisë vecantë ndaj FC Prishtina, janë dy ftesat që kanë ardhur për dy futbollistët e skuadrës së Dritës nga kombëtaret përkatëse: Faton Maloku (Kosovë) dhe Ibrahim Salifu nga Kombëtarja e Beninit.
Kujtojmë që Drita ka pasur një orar të ngjeshur këtë periudhë, pasi ka zhvilluar takime në dy fronte, Superligën e Kosovës dhe gara ndërkombëtare – fillimisht në parakualifikime të Champions League dhe së fundi në garat zyrtare të Konferencë League.
Në njoftimin e klubit të Dritës urohen njëherit dy futbollistët me ndeshjet e tyre në dy kombëtaret – Kosovë dhe Benin – në rrugëtime e tyre përkatës kualifikuese drejt botërorit USA – Mexico – Kanada 2026.
NJOFTIMI I PLOTË:
Ju njoftojmë se ndeshja e planifikuar për të hënën ndaj FC Prishtina shtyhet për një afat të pacaktuar.
Arsyeja e shtyrjes është thirrja e dy futbollistëve tanë në përfaqësueset e tyre kombëtare:
Faton Maloku është ftuar nga Kombëtarja e Kosovës,
ndërsa Ibrahim Salifu është ftuar nga Kombëtarja e Beninit.
Klubi Drita u uron suksese të dy lojtarëve tanë në përfaqësimin e vendeve të tyre dhe do të njoftojë me kohë për datën e re të zhvillimit të ndeshjes.
–
