Gjilan: Ekipet e NPL “TREGU” pastrojnë sheshet e nga gjethet e vjeshtës
Gjilan – Reshjet e dendura të shiut dhe moti i lig gjatë ditëve të fundit e kanë vështirësuar mirëmbajtjen e hapësirave publike në komunën e Gjilanit.
Rënia masive e gjetheve nga drunjtë dekorativë, veçanërisht në sheshet ku frekuentojnë fëmijët dhe këmbësorët, krijoi nevojën për një intervenim të menjëhershëm.
Prandaj, NPL “TREGU” dje ka angazhuar ekipe shtesë të punës. Pasi u konstatua se sot nuk priten reshje, punëtorët fillimisht u fokusuan në grumbullimin e gjetheve të rëna dhe më pas në largimin e tyre nga hapësirat e dedikuara për këmbësorë, me prioritet në sheshet kryesore të qytetit.
“Gjethet e arta të kësaj stine i japin hijeshi natyrës dhe hapësirave tona publike. Por reshjet e shiut ua kanë zbehur bukurinë dhe kanë vështirësuar mirëmbajtjen. Megjithatë, ne e mirëpresim shiun, sepse është i domosdoshëm për përgatitjet e sezonit të mbjelljeve dhe për sigurimin e rezervave të ujit të pijshëm”, thuhet në njoftimin e NPL “TREGU”.
Nga ndërmarrja bëjnë të ditur se aktivitetet për pastrimin dhe mirëmbajtjen e qytetit do të vazhdojnë edhe në ditët në vijim, pavarësisht kushteve atmosferike.
NPL “TREGU” – gjithmonë në shërbim të qytetarëve.
