Kryetari i Gjilanit, Alban Hyseni, ka vizituar gjatë ditës Kryqin e Kuq
Kryetari i Komunës së Gjilanit, z. Alban Hyseni, ka qëndruar për një vizitë në selinë e Kryqit të Kuq në Gjilan.
Ai është njoftuar nga afër me aktivitetet që ky institucion zhvillon, duke theksuar rëndësinë e posacme në aspektin humanitar, ndërsa ka vlerësuar lart sidomos aktivitetet trajnuese për ndihmën e parë.
“Sot pata kënaqësinë të vizitoj Kryqin e Kuq në Gjilan dhe të shoh nga afër punën e palodhshme që po bëhet në këtë qendër me kaq shumë rëndësi për komunitetin tonë”, ka shkruar Hyseni.
“Përveç aktiviteteve të përditshme humanitare, në këtë vizitë pashë edhe trajnimin për dhënien e ndihmës së parë – një program jashtëzakonisht i rëndësishëm për edukimin dhe përgatitjen e qytetarëve në situata emergjente. “, ka vijuar ai.
“Falënderim për të gjithë vullnetarët dhe stafin që me përkushtim e zemër të madhe i shërbejnë njerëzve në nevojë. Kryqi i Kuq mbetet një pikë e fuqishme reference për solidaritetin, kujdesin dhe ndihmën konkrete në çdo kohë”, ka përfunduar postimin në faqën e tij kreu i Komunës së Gjilanit, Alban Hyseni.
