Bujanoc: Dikriminimi shtetëror: Lutfiu fton në takim drejtuesit e partive shqiptare

Kryetari i Këshillit Kombëtar Shqiptar, Nevzad Lutfiu, ka ftuar në takime drejtuesit e spektrit politik të shqiptarëve të Luginës për të diskutuar për rrjedhat aktuale në këtë rajon.

Në një deklaratë për media lokale, kryetari Lutfiu theksoi se takimet me drejtuesit e subjekteve politike nisin nga dita e mërkurë, për t’u përmbyllur me një takim të përbashkët, i cili do të pasoj pas ciklit të takimeve individuale.

Temat e diskutimeve, sipas Lutfiut, i përkasin diskriminimit shtetëror ndaj shqiptarëve i cili po shkon duke u thelluar kohëve të fundit.

Vlen të thuhet se takimet në fjalë do të mbahen akoma pa u konstituuar organet e reja të vetëqeverisjes lokale në Bujanoc dhe Preshevë, si rrjedhojë e zgjedhjeve të 2 qershorit.