Gjilan: Kryetari Hyseni prezanton projektin e Qendrës Kulturore, paralajmëron 7 projekte që i cilëson gjigante për Gjilanin
Kryetari i Komunës së Gjilanit, Alban Hyseni ka njoftuar përmes faqes së tij në rrjete sociale për projektet që pritet të realizohen, e që sipas tij kanë marrë “dritën e gjelbër” për t’u realizuar në periudhën dy-vjecare, 2024/2025.
Hyseni ka thënë se për shtatë javë me radhë do të prezantohen një nga një të gjitha shtatë projektet vitale, të cilat sipas tij do ta rikthejnë Gjilanin në atrakson turistik.
“Të dashur qytetarë, Për çdo javë do të prezentohen projektet më të mëdha për vitin 2024-25. Këto projekte, do të rikthejnë Gjilanin në një nga qytetet më atraktive të Kosovës”, ka shkruar Hyseni në profilin e tij, raporton TV Gjilani.
“Për çdo javë do të prezentohen projektet më të mëdha për vitin 2024-25. Këto projekte, do të transformojnë qytetin, do të sjellin zhvillim dhe më e rëndësishmja do të rikthejnë Gjilanin në një nga qytetet më atraktive të Kosovës”, ka theksuar Hyseni.
Kreu i Komunës së Gjilanit më tej ka shtuar se se Kult-Qendra është projekti i parë, të cilin lajm e ndanë me lexues e qytetarë, e i cili sipas tij tanimë është kontraktuar, ndërsa pritet të filloj së ndërtuari e të përfundoj gjatë këtij viti kalendarik, dhe do të ketë sallë alternative të teatrit me rreth 250 ulëse; sallën e galerisë me mbi 400 metra katrorë hapësirë, si dhe atë të kinemasë së qytetit.
Sipas Hysenit, për të gjithë ata që duan artin e kulturën, kjo qendër do të sjellë hapësirën dhe infrastrukturën e nevojshme e aq të munguar.
