Të shtëna me armë në aheng: Policia gjenë një predhë, 29 gëzhoja të pistoletës dhe 9 të pushkës gjysmë automatike
Një person në Podujevë është arrestuar pasi që i njëjti ka shtënë me armë zjarri në një aheng familjar.
Kjo është bërë e ditur në raportin 24 orësh të Policisë së Kosovës, ku është shtuar se në vendin e ngjarjes, janë gjetur 29 gëzhoja të pistoletës, një predhë dhe nëntë gëzhoja të pushkës gjysmë automatike, të cilat edhe janë konfiskuar.
Pos kësaj, shtohet edhe që, i dyshuari ka dorëzuar një pistoletë me një karikator dhe një pushkë gjysme automatike.
“PËRDORIM I ARMËS APO MJETIT TË RREZIKSHËM – Podujevë 29.07.2023-23:20. Është arrestuar i dyshuari mashkull kosovar, nën dyshimin se i njëjti në një aheng familjar kishte shtënë me armë zjarri. Në vendin e ngjarjes janë gjetur 29 gëzhoja të pistoletës, një predhë dhe nëntë(9)gëzhoja të pushkës gjysmë automatike të cilat janë konfiskuar. I dyshuari ka dorëzuar një pistoletë me një karikator dhe një pushkë gjysmë automatike. Me vendim të prokurorit, rasti procedohet në procedurë të rregullt”, ka njoftuar PK’ja.
