Plaçkitet shtëpia e Kluivert, grabitësit ia rrahin gruan dhe i marrin para dhe gjëra të vlefshme
Disa persona me kapuç kanë sulmuar shtëpinë e Justin Kluivert gjatë mbrëmjes së mërkurë dhe kjo nuk është hera e parë që kjo i ndodh një lojtari të Valencias këtë sezon.
Duke përfituar nga mungesa e lojtarit, të përqendruar në Mallorca për të luajtur një ndeshje lige, ata janë futur në shtëpinë e holandezit në periferi të kryeqytetit të Turias.
Sulmuesit kanë rrahur partneren e Kluivert dhe i kanë marrë plaçkë afër 200 mijë euro bizhuteri dhe ora dore.
Sipas Valencia Plaza, grabitja ndodhi kur gruaja e Kluivert u kthye nga shëtitja e qenit gjatë natës.
Plaçkitësit e rrahën atë që ajo t’u tregonte se ku ndodheshin gjërat me vlerë dhe sipas Gardës Civile, sulmi nuk zgjati më shumë se pesë minuta.
Kluivert qëndron në Mallorca dhe do të luajë sot
Partnerja e lojtarit thuhet se është mirë, me tronditje në trup, por me lëndime të lehta.
Klubi ka bërë me dije se futbollisti po qëndron në Mallorca për të luajtur ndeshjen e vlefshme të La Ligas me skuadrën Los Che.
Kjo nuk është hera e parë këtë sezon që një lojtar pëson një sulm në shtëpinë e tij. Ishte edhe Samu Castillejo ai që pësoi një grabitje në shtëpinë e tij.
