Këshilltarja e LDK-së, Gresa Avdiu, apelon te institucionet të bëjnë trysni ndaj operatorit punëkryes të trasesë së rrugëve Gjilan-Bujanoc e Gjilan-Ferizaj
Për problemet që janë shfaqur në dy loakcione në hyrje-daje të Gjilanit, në drejtim të Bujanocit dhe Ferizajit, këshilltarja Komunale nga radhët e LDK-së, Gresa Avdiu kërkoi shtim të dinamikës së punimeve, shkruan Tv Gjilani.
Avdiu para medieve tha se është e papranueshme neglizhenca që po u bëhet punimeve në rrugën Gjilan-Bujanoc, deri në hyrje të fshatit Përlepnicë dhe në rrugën Gjilan-Ferizaj, përkatësisht në fshatin Livoç.
Premtimi se këto projekte do të realizohen në korrikun e vitit të kaluar, mbeti vetëm fjalë, e tash pothuajse 1 vit pas nuk janë as për së afërmi perfundimet e këtyre projekteve.
“Për 1 muaj ne fillojmë të presim bashkëatdhetarët tanë që marrin rrugën për në vendlindjen e tyre, e kaosi që pritet të bëhet sidomos në rrugën Gjilan-Bujanoc për shkak se është rrugë qe lidh kufirin, do jetë i paevitueshëm. Në emër të LDK-së, Avdiu bëri thirrje që Ministria e Infrastrukturës dhe kryetari i Komunës së Gjilanit të shtrijnë autoritetin e tyre tek operatori dhe intensiteti i punimeve të rritet e këto projekte të finalizohen deri në muajin qershor”, tha ajo.
Për ngecjet e këtyre projekteve, te shtunën është mbajtur edhe një protestë tek rruga Gjilan-Bujanoc, të cilën LDK e Gjilanit e ka përkrahur dhe ka qenë pjesëmarrëse, thuhet në një komunikatëe për shtyp të LDK-së, të dalë nga konferenca e rregullt javore.
