1130 fermerëve i’u shpërndanë 200 mijë kg farë gruri
Të enjten është bërë shpërndarja e farës së grurit nga Drejtoria e Bujqësisë, gjegjësisht Komuna e Gjilanit, për fermerët e kësaj Komune.
Kryetari i Komunës Alban Hyseni, bashkë me drejtorin e Bujqësisë Bajram Isufin, kanë bërë shpërndarjen e farës për fermerët.
I pari i komunës tha se 1130 fermerëve përfitues iu shpërndanë 200,000 kg farë gruri.
“Si asnjëherë më parë, kemi shpërndarë 200,000 kg. farë gruri për 1130 fermerë”, tha Alban Hyseni.
Kryetari Hyseni poashtu theksoi se mbështetja për bujqësinë nuk ka qenë kurrë më e madhe se në qeverisjen aktuale, duke theksuar se ka pasur me dhjetëra projekte dhe miliona euro investime.
Bajram Isufi, drejtor i Bujqësisë dhe Pylltarisë, tha se prioritet ndër pritoritete e kanë prodhimin foragjer, me theks të veçantë prodhimin dhe kultivimin e grurit
Më tej drejtori i Bujqësisë, tregoi se sot 1130 fermerëve i’u shpërndanë 200,000 kg farë gruri, të mjaftueshme për mbjelljen e sipërfaqes mbi 800 hektarëve.
“Jemi një ndër komunat e vetme që e subvencionojmë farën e misrit dhe farën e grurit në nivel të Republikës së Kosovës”, tha Bajram Isufi.
