Zyrtare: Ndeshja Izrael – Kosovë do të zhvillohet në Hungari
UEFA ka konfirmuar se ndeshja ndërmjet Izraelit dhe Kosovës, e vlefshme për Ligën e Kombeve, do të luhet në Hungari.
Përballja është planifikuar të zhvillohet më 1 tetor 2026 në stadiumin “Nagyerdei” në qytetin e Debrecenit, ku Izraeli do të jetë nikoqir formal.
Për shkak të situatës së sigurisë dhe konfliktit në rajon, Izraeli vazhdon t’i zhvillojë ndeshjet si vendas në terrene neutrale. Për sfidën ndaj Kosovës është përzgjedhur stadiumi “Nagyerdei” në Hungari.
Ndërkohë, Kombëtarja e Kosovës do t’i rikthehet ndeshjeve në muajin shtator, kur do të përballet me një kalendar të ngjeshur, duke zhvilluar katër ndeshje brenda 14 ditëve.
“Dardanët” garojnë në Ligën B të Ligës së Kombeve, ku ndodhen në grup së bashku me Austrinë, Irlandën dhe Izraelin.
