Tre përballje që peshojnë shumë në xhiron e 28-të – vëmendja zhvendoset në Suharekë
Tre përballje që peshojnë shumë në xhiron e 28-të – vëmendja zhvendoset në Suharekë
Garat në Albi Mall Superliga vijojnë sot me ndeshjet e xhiros së 28-të, ku në program janë tri përballje me rëndësi për renditjen tabelare.
Gjashtë skuadra do të zbresin në fushë me objektiva të qarta, ndërsa çdo pikë në këtë fazë të kampionatit merr peshë të veçantë.
Ndeshja kryesore e ditës zhvillohet në Suharekë, ku FC Ballkani përballet me SC Gjilani. Vendasit synojnë të vazhdojnë serinë pozitive në ndjekje të kreut, ndërsa mysafirët kërkojnë fitore për të forcuar pozitën dhe për të mbajtur hapin në garën për vendin e dytë.
Interes i madh pritet edhe në Gjilan, ku kampioni në fuqi FC Drita synon fitoren e katërt radhazi në duel me FC Ferizaj.
Ndërsa skuadra mysafire udhëton me synimin që të largohet nga Gjilani duke fituar së paku një pikë.
Ndërkohë, në ndeshjen tjetër të ditës, KF Llapi dhe KF Drenica përballen në një sfidë direkte për t’iu shmangur zonës së rrezikut.
Të gjitha ndeshjet e sotme janë planifikuar të nisin nga ora 15:00.
