SC Gjilani ndërron kundërshtarin në miqësore
FC Zimbru Chisinau nga Moldavia është kundërshtari i fundit për “kuqebardhët” në tokën turke.
Pas ndryshimit të lokacionit për ndeshjen e fundit kontrolluese në Antalia Camp, ka ndryshuar gjithashtu edhe kundërshtari me të cilin do të përballemi më 28 janar.
Elitarët moldav që kanë patur një sezonë mjaft të mirë këtë vit në kampionat do të sfidojnë grupin që tashmë ndodhet në ditët e fundit të fazës përgatitore dimërore.
Kjo përballje do të zhvillohet në Fanatic Belek 1 me fillim nga ora 16:00 me kohën lokale në Antalia, ndërsa 14:00 me kohën në Kosovë.
Pas ndeshjes skuadra do të mbajë një sesion rigjenerimi dhe do të kthehet në Kosovë për të vijuar me pjesën finale të përgatitjeve para fillimit të stinorit pranveror.
