NPL “Tregu” Sh.A. vazhdon kujdesin për një Gjilan më të pastër dhe më të gjelbër
Ekipet e Hapësirave Publike të angazhuara çdo ditë në mirëmbajtjen dhe rregullimin e mjediseve publike në qytet
Me përfundimin e muajit maj dhe fillimin e qershorit, ekipet e Departamentit të Hapësirave Publike të NPL “Tregu” Sh.A. po vazhdojnë me intensitet angazhimet e tyre në mirëmbajtjen, pastrimin dhe rregullimin e hapësirave publike në të gjithë territorin e Komunës së Gjilanit.
Përmes punës së përditshme dhe përkushtimit të vazhdueshëm, po kujdesemi që parqet, sheshet, trotuaret dhe sipërfaqet e gjelbra të jenë sa më të pastra, më funksionale dhe më të këndshme për qytetarët. Këto aktivitete synojnë krijimin e një ambienti më të rregullt dhe më të shëndetshëm për të gjithë.
NPL “Tregu” Sh.A. shpreh mirënjohje për punëtorët që me përkushtim të palodhshëm kontribuojnë çdo ditë në mirëmbajtjen e qytetit, si dhe falënderon qytetarët për bashkëpunimin dhe kujdesin e treguar në ruajtjen e mjedisit dhe hapësirave të përbashkëta.
