Opinion / Nga Xhevat Bekteshi: Ahmet Isufi – njeriu i sakrificës, luftës dhe politikës
Ahmet Isufi – njeriu i sakrificës, luftës dhe politikës – Një figurë e dëshmuar me burg politik, luftë çlirimtare dhe shërbim institucional në funksion të Kosovës
Në çdo proces zgjedhor shfaqen kandidatë të rinj, premtime të mëdha dhe fjalë të bukura. Por rrallëherë para qytetarëve del një figurë me një histori të dëshmuar sakrifice, qëndrese dhe kontributi për vendin. Pikërisht kjo e bën Ahmet Isufin një personalitet të veçantë, jo vetëm në Gjilan, por në gjithë Anamoravën dhe Kosovën.
Opinion / Nga Xhevat Bekteshi
Sot, në skenën politike të Anamoravës dhe Kosovës, ka kandidatë nga parti të ndryshme, por pak prej tyre mund të krahasohen me jetën dhe rrugëtimin e Ahmet Isufit. Shumë flasin për patriotizëm, ndërsa Ahmeti e dëshmoi atë që në rininë e hershme, duke vuajtur shtatë vjet burg politik në ish-Jugosllavi. Të tjerë flasin për luftën, por Ahmet Isufi ishte komandant i Zonës Operative të Karadakut në radhët e Ushtrisë Çlirimtare të Kosovës, në ditët më të vështira të përpjekjes për liri dhe çlirim kombëtar.
Ahmeti nuk e ndërtoi emrin e tij në studio televizive apo përmes propagandës politike. Emri dhe reputacioni i tij u formësuan në burgjet politike, në organizimet ilegale kombëtare dhe në bashkëveprim me veprimtarë të shquar si Kadri Zeka, Rexhep Mala, Nuhi Berisha, Abdullah Tahiri dhe shumë luftëtarë e heronj të tjerë të lirisë së Kosovës.
Anamorava duhet ta njohë mirë dallimin ndërmjet njerëzve që kanë bartur mbi supe barrën e Kosovës në kohët më të vështira dhe atyre që politikën e shohin vetëm si karrierë personale. Për këtë arsye, Ahmet Isufi mbetet një figurë që gëzon respekt të veçantë në Gjilan, Karadak, Gollak dhe në mbarë vendin.
Pas luftës, ai vazhdoi shërbimin ndaj Kosovës si deputet dhe ministër, duke mbetur ndër zërat më të angazhuar për mbrojtjen e vlerave të luftës çlirimtare dhe për zhvillimin e Anamoravës dhe Kosovës. Sot, ai vazhdon të jetë aktiv në Aleancën për Ardhmërinë e Kosovës dhe kandidat për deputet në zgjedhjet parlamentare të 7 qershorit 2026.
Në këto zgjedhje, qytetarët e Gjilanit, Anamoravës dhe të gjithë Kosovës kanë mundësinë të bëjnë dallimin ndërmjet premtimeve dhe veprave, ndërmjet fjalëve dhe historisë së dëshmuar të sakrificës për vendin.
Qytetaria gjilanase dhe mbarë Kosova duhet ta dinë se personalitete si Ahmet Isufi nuk krijohen brenda natës. Ato formohen me qëndresë, sakrificë dhe besnikëri ndaj atdheut.
Karadaku e njeh komandantin e vet.
Gjilani e njeh njeriun e tokës së vet.
Anamorava dhe Kosova e dinë se kush ka qenë gjithmonë pranë tyre.
Më 7 qershor, mbështetësit e Ahmet Isufit e shohin votën për të si një votë për dinjitetin, historinë dhe përfaqësimin e Anamoravës dhe Kosovës në Kuvendin e Republikës së Kosovës.
Voto 128 – Aleanca për Ardhmërinë e Kosovës
Voto 13 – Ahmet Isufi
