“Nëse keni ngrënë sot, falënderoni një fermer.”
Me moto “Nëse keni ngrënë sot falënderoni një fermer”, është mbajtur punëtoria e organizuar nga Komuna e Gjilanit për fermerët e kësaj komune, në bashkëpunim me ekspertë të Fakultetit të Bujqësisë e Veterinarisë të Universitetit “Hasan Prishtina”.
Kështu thuhet në njoftimin që e ka plasuar në rrjete sociale kryetari i Komunës së Gjilanit Alban Hyseni, i cili ka nënvizuar se kontribut në këtë aktivitet ka dhënë edhe TIKA Turke, ndërsa janë shpalosur vizone për të ardhmes lidhur me silazhimin si kulturë e re bujqësore për përgatitjen adekuate të ushqimit për kafshët, deri te sistemi i ujitjes etj, ka shkruajtur kryetari i Komunës së Gjilanit, Alban Hyseni.
P o s t i m i
“Nëse keni ngrënë sot, falënderoni një fermer.” 
“Planifikimi dhe Reformat në Bujqësi”
është punëtoria e radhës e organizuar për fermerët
e komunës së Gjilanit. Bashkë me fermerët, përfaqësues të Fakultetit të Bujqësisë dhe Veterinarisë të Universitetit të Prishtinës, përfaqësues të TIKA-s turke dhe organizatave të tjera relevante, morëm pjesë në punëtorinë dy ditore të organizuar nga komuna e Gjilanit.
Para tyre shpalosëm disa nga projektet e planifikuara për vitin e ardhshëm, nga rritja e sipërfaqeve me misër
me qëllim të futjes së silazhimit si kulturë për përgatitje të ushqimit për kafshë
; deri tek sistemi i ujitjes, trajnimet e vizitat studimore për fermerë, subvencionimi i ruajtjes së pemëve
, subvencionimi i qumështit
e inseminimi artificial i kafshëve.
Me rritjen e buxhetit për bujqësinë mbi 100% krahasuar me vitin paraprak, bujqësia do të jetë një ndër sektorët më të zhvilluar në komunën e Gjilanit! 
