Luhatje në tregun e derivateve: Rritet çmimi i naftës në Kosovë
Çmimet e derivateve të naftës në Kosovë kanë shënuar sërish rritje, me dizelin që është shtrenjtuar për 2 cent krahasuar me ditën e kaluar.
Sipas të dhënave të publikuara nga Ministria e Industrisë, Ndërmarrësisë, Tregtisë dhe Inovacionit, çmimet maksimale për sot janë: dizeli 1.91 euro për litër, benzina 1.46 euro për litër dhe gazi 0.82 euro për litër.
Këto ndryshime vijnë në një periudhë luhatjesh të vazhdueshme në tregun e derivateve, duke reflektuar drejtpërdrejt në kostot e transportit dhe jetesës për qytetarët.
Ndërkohë, në tregjet ndërkombëtare është vërejtur një trend i kundërt, me rënie të çmimeve të naftës dhe rritje të aksioneve, pas sinjaleve për një armëpushim të përkohshëm mes Shteteve të Bashkuara dhe Iranit.
