Kamenicë: Shpërndahen mjete bujqësore për komunitetin serb
Kryetari i Komunës së Kamenices, Kadri Rahimaj, së bashku me Nënkryetaren Aleksandra Jovanovic dhe Drejtorin e Drejtorisë për Bujqësi, Pylltari dhe Zhvillim Rural, Shpend Morina, kanë bërë shpërndarjen e 10 shpërndarëseve për plehun mineral, 4 kosa rotative dhe 4 pjatore, për komunitetin serb.
I pari i komunës ka thënë se do të vazhdojnë mbështetjen e secilës fushvëveprimtari. “Mekanizëm bujqësor për fermerët serb të Kamenicës.
“Së bashku me Nënkryetaren Aleksandra Jovanovic dhe Drejtorin Shpend Morina, sot kemi shpërndarë 10 shpërndarëse për plehun mineral, 4 kosa rotative dhe 4 pjatore. Fokusi i kësaj thirrjeje kanë qenë komunitetet pakicë që jetojnë në Kamenicë, andaj jemi të lumtur që kemi gjithsej 18 përfitues të këtyre pajisjeve”, ka thënë Rahimaj.
“Gjithsej 11,490 euro ka qenë vlera e pajisjeve të shpërndara sot. Vazhdojmë me mbështetjen e secilës fushëveprimtari, secilës kategori e secilit komunitet. Vazhdojmë me punë të tjera të mira”, ka thënë më tej, Kryetari Rahimaj.
