Haziri: Fituam tetorin dhe nëntorin, vazhdojmë trendin në dhjetor e janar para triumfit të 9 shkurtit
Nënkryetari i LDK-së në nivel qëndror e kryetar i këtij subjekti në Gjilan, Lutfi Haziri, ka nxjerrë statistika, të cilat sipas tij dëshmojnë rikthimin e besimit të elektoratit të LDK-së, shkruan Tv Gjilani, duke iu referuar deklaratës së postuar të Hazirit në profilin e tij në facebook.
“Tetorin dhe nëntorin e kemi fituar me mobilizim. Ky rikthim i LDK-së këta dy muaj është besim i madh që dhjetori e janari të rriten edhe më shumë, për triumfin e madh të LDK-së më 9 shkurt”, ka shkrur Haziri.
Ai ka falënderuar militantët e LDK-së, për të cilët ka thënë se sërish janë bërë bashkë në listën fituese të udhëhequr nga kandidati për kryeministër, Lumir Abdixhiku.
“Falënderim deri në përulje për të gjithë rugovistët të cilët janë bërë sërish bashkë. Lista fituese në krye me kryeministrin Abdixhiku është për rikthimin e dinjitetit të qytetarëve të Republikës, të Gjilanit e Anamoravës dhe për secilin qytet e fshat të vendit”, ka përfunduar Haziri./TV Gjilani/
