Gjilan: Vjosa Osmani në vizitë, pritet nga figura të LDK-së dhe shoqërisë civile
Ish-presidentja e Kosovës, Vjosa Osmani, ka qëndruar për vizitë në Gjilan, ku është takuar me përfaqësues të jetës publike dhe shoqërisë civile.
Në një nga fotografitë e publikuara nga vetë ajo, shihet edhe ish-deputetja e LDK-së, Valentina Bunjaku, ndërsa në praninë e saj ka qenë edhe këshilltari komunal nga radhët e LDK-së në Gjilan, Fatos Ramadani.
Sipas njoftimeve, Osmani ka zhvilluar takime të ndara me disa personalitete lokale, të cilët e kanë pritur dhe përcjellë me respekt gjatë qëndrimit të saj në qytet.
Ajo ka falënderuar Gjilanin për mikpritjen, duke shkruar: “Faleminderit Gjilan, për mikpritjen e përzemërt sikurse përherë.”
Vizita e saj vjen në një kohë kur në opinion është përmendur edhe mundësia e rikthimit të saj në Lidhjen Demokratike të Kosovës, çështje për të cilën deri më tani nuk ka konfirmim zyrtar.
