Gjilan: Kryetari Hyseni viziton Policinë, QKMF-në, Emergjencën e Zjarrëfikësit, “falë tyre ndihemi më të sigurtë”
Kryetari i Komunës së Gjilanit Alban Hyseni ka vizituar Policinë, QKMF-në, Emergjencën e Zjarrfikësit në mesnatën e ndërrimit të moteve.
Ai ka falënderuar zyrtarët e këtyre institucioneve dhe personelin kujdestar, duke u shfaqur mirënjohje për kontribnutin e tyre në shërbim të qytetarëve në natën më të gjatë të vitit.
“Gjersa shumë prej nesh festuam me familjet tona, një pjesë tjetër u kujdesen që natën e ndërrimit të motmoteve ta zbardhim shëndosh e mirë.”
Hyseni poashtu vuri në dukje se kontributi dhe shërbimi i tyre është i rëndësisë veçantë, për t’i bërë qytetarët të ndihen më të sigurtë derisa festojnë me më të dashurit e tyre.
“Policët, mjekët e QKMF, repartit të Gjinekologjisë, Emergjencës dhe zjarrfikësit kujdestarë, i vizitova mbrëmë për pak çaste, ku i urova Vitin e Ri dhe i falenderova për kontributin dhe shërbimin e tyre ndaj qytetarëve edhe përgjatë festave. Falë tyre, ndihemi më të sigurtë!”, tha hyseni. Gëzuar 2023 për secilin prej jush!” ka shkruar Hyseni në faqen e tij.
