Gjilan: Këshilli i BI-së shpërndan 200 pako ushqimore për familjet në nevojë në prag të Kurban Bajramit
Në prag të festës së Kurban Bajramit, Këshilli i Bashkësisë Islame në Gjilan, përmes degës së shoqatës humanitare “Bereqeti”, realizoi një aksion të gjerë bamirësie.
Gjatë aksionit u shpërndanë 200 pako ushqimore për familjet në nevojë, veteranët e luftës, shoqatën e të verbërve dhe kategori të tjera në nevojë.
Ky aktivitet vjen si shprehje e solidaritetit dhe përkujdesjes institucionale ndaj shtresave më të ndjeshme të shoqërisë, me qëllim që gëzimi dhe begatia e Bajramit të jenë të pranishme në çdo familje.
Përmes këtij angazhimi u dëshmua edhe njëherë roli i institucioneve fetare dhe organizatave humanitare në kultivimin e vlerave të mëshirës, ndihmës së ndërsjellë dhe bashkimit shoqëror.
