Gjilan: Jepet premiera e mbyllur e projektit skenik, “Pa rrugëdalje”, e adaptuar sipas motiveve të veprës së Cehovit
Projekti Teatral “Pa rrugëdalje”, i adaptuar dhe dramatizuar nga Kenan Gurgurovci, dhe i filluar që në muajin prill, gjegjësisht më 15 prill, duke kaluar në procesin e realizimit të provave të leximit fillimisht, e më pas me ato skenike ne sallën e vogël të Teatrit të Qytetit të Gjilanit, ka mbajtur premieren e mbyllur në skenën e vogel të teatrit të Qytetit të Gjilanit.
Shfaqja si e tillë ka vijuar me rrjedhën e saj realizuese skenike, gjegjësisht procesin e provave nga 30 maj 2024, të cilat kanë zgjatur deri më 8 korrik.
Ndërsa, e paraparë për t’u vendosur në skene e repertor teatral, për shkak të dëmtimeve që kanë ndodhur kohë më parë me djegien e pajisjet adekuate për ndricim në teatër nga rrufeja, shfaqja është detyruar të prezantohet me premierë para një auditori të kufizuar, si shfaqje e mbyllur.
Qendrim Kqiku, koordinator i projektit, ka thënë se shfaqja do të rikthehet me 5 repriza në muajin tetor e tutje, kur pritet të sanohen dëmtimet e sallës së teatrit, gjegjësisht pajisjevve adekuate të ndricimit”.
LEXO EDHE:
Si e tillë drama e Cehovit e adaptuar nga ekipi realizues në përbërje, Kenan Gurgurovci, Erza Rudaku dhe Qëndrim Kqiku, të cilët njëherit ishin bartësit kryesorë të “barrës” realizuese të projektit pasi kanë luajtur edhe rolet kryesore, njëherit janë po këta që kanë adaptuar tekstin dramatik të autorit për ta transformuar dhe sjellur si të tillë për të korrespoduar me realitetin tonë skenik e jetësorë.
Në realizimin e shfaqjes kanë kontribuar edhe: Mejdi Hoti, Fehmi Hoti e Haki Aliu, si mjeshtër të skenografisë, ndërsa nuk ka munguar edhe aktiviteti vullnetar nga Erduan Emini e Taulant Gashi.
Shfaqja pritet të rikthehet në muajin tetor me reprizat e intensifikuara, kur pritet edhe sanimi i dëmeve të shkaktuara në Teatrin e Qytetit të Gjilanit në pjesën e ndricimit.
