Sonte në Gjilan: “Nëna” ngjitet në skenë me kastë të njohur aktorësh në një dramë emocionale për familjen dhe kujtesën
Sonte në ora 20:00 në Teatrin e Gjilanit jepet premiera e shfaqjes “Nëna” nga Florian Zeller, një dramë që trajton familjen, kujtesën dhe dashurinë që shpesh mbetet pa fjalë.
Me regji të Erson Zymberit, shfaqja sjell në skenë një kastë aktorësh të njohur: Aurita Agushi, Ernest Zymberi, Gani Rrahmani dhe Tringa Hasani.
Projekti artistik është realizuar nga Bekim Korça, në bashkëpunim me Teatrin e Gjilanit dhe me përkrahjen e Ministrisë së Kulturës dhe Turizmit.
Fotografitë e shfaqjes janë realizuar nga Agon Mehmeti.
Premiera pritet të sjellë një mbrëmje të veçantë artistike për publikun gjilanas.
