Cristiano Ronaldo ka rënë dakord për një kthim të bujshëm në Manchester United, njoftoi klubi të Premten, në një marrëveshje prej 15 milionë eurosh dhde me një shtesë prej 8 milionë eurosh, sipas burimeve të ESPN.
36-vjeçari është kthyer në Old Trafford 12 vjet pasi u largua nga klubi për t’iu bashkuar Real Madridit dhe do të nënshkruajë një kontratë dyvjeçare.
United postoi një kolazh të Ronaldos nga ditët e tij të mëparshme të lojës në klub në Twitter së bashku me fjalët: "Mirësevini në shtëpi, @Cristiano".
Një deklaratë nga United shkruan, "Manchester United është i kënaqur të ju konfirmojë se klubi ka arritur marrëveshje me Juventusin për transferimin e Cristiano Ronaldos, në përputhje me marrëveshjen e kushteve personale, vizës dhe mjekësisë.
"Fenomeni Cristiano, një fitues pesë herë i Topit të Artë, deri më tani ka fituar mbi 30 trofe të mëdha gjatë karrierës së tij, duke përfshirë pesë tituj të Ligës së Kampionëve, katër Kupa Botërore të Klubeve FIFA, shtatë tituj të ligës në Angli, Spanjë dhe Itali dhe Kampionatin Evropian për vendlindjen e tij Portugalinë.
Duhet te theksojme se në përformancen e tij të parë për Manchester United, ai shënoi 118 gola në 292 ndeshje. Të gjithë në klub mezi presin të urojne per mirëseardhje Cristianon përsëri në Manchester.
Reprezentuesi portugez u nis për në Real Madrid në vitin 2009 për një tarifë rekord botërore prej 80 milionë funtash, por tani do të bëjë një kthim emocional.
