U mbajt debati publik për plotësim-ndryshimin e Statutit të Komunës së Vitisë
Sot në Viti është zhvilluar debati publik lidhur me plotësim-ndryshimin e Statutit të Komunës së Vitisë, një proces i rëndësishëm për funksionimin dhe organizimin institucional të komunës.
Takimi është kryesuar nga Arian Alidema, zyrtar komuna dhe anëtarë i Komisionit për plotësim ndryshimin e statutit të komunës së Vitisë , i cili së bashku me anëtarët e tjerë të këtij komisioni, Albulena Selmani, Ardita Hajdari dhe Astrit Shabiu kanë prezantuar dhe diskutuar me të pranishmit propozimet për ndryshimet e parapara në dokumentin bazë të komunës.
Pas prezantimit është hapur edhe debati ku të pranishmit kanë dhënë vërejtjet, sugjerimet dhe komentet e tyre lidhur me ndryshimet e propozuara, me qëllim të përmirësimit të mëtejmë të statutit dhe përshtatjes së tij me nevojat aktuale të qeverisjes lokale.
Përndryshe draft statuti i komunës ka qenë në shqyrtim publik prej datës: 18.03.2026 deri 16.04.2026 dhe pas këtij debati drafti final do të shkoj për shqyrtim të mëtutjeshëm në Kuvendin Komunal të Vitisë.
