KAMENICA INVESTON 120 MIJË EURO NË NDRIÇIMIN PUBLIK – RIJONOHEN 20 RRUGË NË QYTET DHE FSHATRA
KAMENICË, 29 Shtator 2026 – Komuna e Kamenicës ka nisur punimet për rregullimin dhe përmirësimin e ndriçimit publik, një investim me vlerë prej 120 mijë eurosh që përfshin qytetin dhe disa fshatra të komunës.
Lajmin e ka bërë të ditur Kryetari i Komunës së Kamenicës, Kadri Rahimaj, i cili tha se Drejtoria e Shërbimeve Publike po vazhdon punën në terren.
20 rrugë me gjatësi mbi 11 kilometra
Në kuadër të këtij projekti po ndërhyhet në 20 rrugë, me gjatësi të përgjithshme prej 11,315.08 metrash.
Ndërhyrjet po realizohen në disa lokalitete të Komunës së Kamenicës, përfshirë Berivojcën, Roganën, Novosellën, Kopërnicën dhe Hogoshtin, me qëllim krijimin e hapësirave më të ndriçuara, më të sigurta dhe më funksionale për qytetarët.
Ja rrugët ku po ndërhyhet:
- Rruga “Mehmet Shpendi”
- Rruga “Besnik Maroca”
- Rruga “Faik Konica”
- Rruga “Beteja e Ushtrisë”
- Rruga “Bekim Berisha Abeja”
- Rruga e Dardanëve
- Rruga e Moçarit
- Rruga e Malit
- Rruga “Rexhep Malaj”
- Rruga “Sejdi Kryeziu”
- Rruga “Shqipëria” – degëzimi 2
- Rruga “Rexhep Qehaja”
- Rruga “Musli Ymeri”
- Rruga “Florim Kosumi”
- Rruga “Iliria”
- Rruga e Dëshmorëve
- Rruga e Blinajave
- Rruga “Savska”
- Rruga “Vlaznim Bashkimi”
- Rruga “Zukë Leci”
“Synojmë siguri dhe kushte më të mira për qytetarët”
Kryetari Rahimaj theksoi se investimet në ndriçimin publik kanë për qëllim përmirësimin e sigurisë dhe cilësisë së jetës.
“Investimet në ndriçimin publik synojnë të përmirësojnë sigurinë, funksionalitetin dhe kushtet e jetesës për qytetarët në të gjitha lokalitetet e Komunës së Kamenicës”, deklaroi Rahimaj.
