PIANISTI I NJOHUR ITALIAN NICOLÒ TUCCIA VJEN NË GJILAN ME MASTERCLASS DHE KONCERT SPECIAL
GJILAN, 29 Shtator 2026 – Në kuadër të festivalit “Golden Harmony”, Gjilani do të presë më 2 tetor pianistin e njohur ndërkombëtar italian, Nicolò Tuccia, për një Masterclass të veçantë dhe një Koncert Special.
Ngjarja do të mbahet në Shkollën e Muzikës në Gjilan, duke u ofruar qytetarëve një mundësi të rrallë për t’u takuar nga afër me një artist me karrierë ndërkombëtare.
Një pasdite për muzikën dhe frymëzimin
Organizatorët ftojnë të gjithë të interesuarit që të jenë pjesë e kësaj eksperience artistike.
“Sa herë kemi mundësinë ta kemi një pianist të njohur ndërkombëtar kaq afër nesh? Një pasdite për muzikën, për frymëzimin, për të mësuar diçka të re dhe për të përjetuar nga afër një eksperiencë artistike ndërkombëtare”, thuhet në njoftim.
Masterclass-i dhe koncerti janë të hapura për nxënës, studentë, profesorë, muzikantë dhe për të gjithë dashamirët e muzikës.
Detajet e ngjarjes
- 📍 Vendi: Shkolla e Muzikës, Gjilan
- 🕔 Data dhe ora: 2 Tetor | Ora 17:00
- 🎟️ Hyrja: Falas për të gjithë të interesuarit
