Paraguai bën senzacionin e Kupës së Botës, eliminon Gjermaninë pas penalltive
Paraguai ka shkruar një nga historitë më të mëdha të Kupës së Botës 2026, duke eliminuar katër herë kampionen e botës, Gjermaninë, pas një drame që zgjati 120 minuta dhe u vendos vetëm nga penalltitë.
Ndeshja përfundoi 1-1 pas kohës së rregullt dhe vazhdimeve, ndërsa nga pika e bardhë futbollistët paraguajanë u treguan më të saktë, duke triumfuar 4-3 dhe duke siguruar një vend në fazën e 1/8 së finales. Gjatë ndeshjes, Gjermanisë iu anulua edhe një gol në vazhdime pas ndërhyrjes së VAR-it, një vendim që ka shkaktuar debat të madh në mediat ndërkombëtare.
Fitorja e Paraguait po cilësohet si një nga surprizat më të mëdha të këtij Botërori. Mediat botërore vlerësojnë disiplinën taktike të skuadrës së Gustavo Alfaro, rezistencën mbresëlënëse në mbrojtje dhe paraqitjen heroike të portierit Orlando Gill, i cili ishte vendimtar si gjatë lojës, ashtu edhe në serinë e penalltive.
