Kauno Zalgiris nxjerr në shitje biletat për ndeshjen ndaj Dritës
Kauno Zalgiris ka hapur shitjen e biletave për ndeshjen ndaj FC Drita, e cila zhvillohet më 7 korrik 2026 në stadiumin “Darius dhe Girenas” në Kaunas, me fillim nga ora 19:00 (koha lokale).
Çmimet e biletave të zakonshme variojnë nga 8 deri në 15 euro, varësisht sektorit të zgjedhur.
Në dispozicion janë edhe pakot VIP, me çmime prej 25 deri në 50 euro, në varësi të zonës së zgjedhur në stadium.
Klubi ka njoftuar se dyert e stadiumit hapen në ora 17:00, ndërsa bileta përfshin edhe përdorimin falas të transportit publik në Kaunas në ditën e ndeshjes.
Fëmijët deri në moshën gjashtë vjeç mund të hyjnë falas, pa pasur nevojë për ulëse të veçantë.
