PDK në Gjilan viziton Bashkësinë Islame me rastin e Kurban Bajramit
Riad Rashiti dhe bashkëpunëtorët urojnë festën, vlerësojnë rolin e BIK-ut në ruajtjen e harmonisë dhe shtetndërtimit
Kryetari i degës së Partia Demokratike e Kosovës në Gjilan, Riad Rashiti, së bashku me bashkëpunëtorë, kanë vizituar Bashkësia Islame e Kosovës në Gjilan, ku janë pritur nga kryetari i Këshillit të Bashkësisë Islame, Naim Aliu, me rastin e festës së Kurban Bajramit.
Gjatë takimit, përfaqësuesit e PDK-së kanë uruar besimtarët myslimanë për festën, duke theksuar rëndësinë e solidaritetit, paqes dhe mirëkuptimit ndërmjet qytetarëve.
Po ashtu, në këtë vizitë është vlerësuar lart roli historik dhe institucional i Bashkësisë Islame në periudha të rëndësishme për vendin, përfshirë kontributin në ruajtjen e harmonisë, paqes sociale dhe proceset e shtetndërtimit.
Nga dega e PDK-së në Gjilan u shpreh urimi që festa e Kurban Bajramit të sjellë mbarësi, shëndet dhe mirëqenie për çdo familje.
Gëzuar Kurban Bajramin! 🕌
