Mbyllet afati! – Sipas KQZ-së, 22 parti njoftuan për pjesëmarrje në zgjedhje, 8 për mospjesëmarrje
Komisioni Qendror i Zgjedhjeve (KQZ) ka njoftuar se deri në orën 21:30 ka pranuar njoftime për pjesëmarrje në zgjedhje nga 22 parti politike, ndërsa 8 parti të tjera kanë bërë të ditur se nuk do të marrin pjesë në procesin zgjedhor.
Sipas KQZ-së, deri më tani janë njoftuar edhe dy koalicione zgjedhore, të përbëra nga gjithsej pesë parti politike.
Afati për njoftimin e pjesëmarrjes ose mospjesëmarrjes së partive politike në zgjedhje përfundon sonte në orën 24:00.
Partitë politike që kanë konfirmuar pjesëmarrjen në zgjedhje janë:
Partia Socialdemokrate, Kosovaki Nevi Romani Partia, Partia Socialdemokrate e Ashkalinjve, Za Slobodu Pravdu i Opstanak, Srpska Lista, Yenilikçi Türk Hareket Partisi, Lidhja Demokratike e Kosovës, Fjala, Lëvizja Përparimtare e Romëve të Kosovës, Partia Rome e Bashkuar e Kosovës – PREBK, Socialdemokratska Unija, Jedinstvena Goranska Partija, Kosova Demokratik Türk Partisi, Nova Demokratska Stranka, Iniciativa e Re Demokratike e Kosovës, Kosovski Savez, Partia Balliste, Partia Qytetare për Mirëqenie Sociale, Partia Liberale Egjiptiane, Aleanca për Ardhmërinë e Kosovës, Stranka Demokratske Akcije dhe Partia Demokratike e Kosovës.
Ndërkaq, partitë që kanë njoftuar mospjesëmarrjen në zgjedhje janë:
Partia Demokratike e Unitetit, Balli Kombëtar i Kosovës, Lëvizja Qytetare Vatra, Bashkimi për Ndryshim Anamorava, Partia e Drejtësisë, Srpski Narodni Pokret, Partia Reforma Demokratike dhe Aleanca Kosova e Re.
Sa i përket koalicioneve, KQZ ka bërë të ditur se janë njoftuar:
Koalicioni VAKAT, i përbërë nga Demokratska Stranka Bošnjaka dhe Demokratska Stranka Vatan, si dhe koalicioni “Ashkalitë e Bashkuara”, i përbërë nga Partia e Ashkalinjëve për Integrim, Partia Demokratike e Ashkalinjve të Kosovës dhe Lëvizja për Bashkëveprim.
