FC Malisheva ndërpret bashkëpunimin me trajnerin Elon Berisha
Klubi i futbollit FC Malisheva ka njoftuar se ka ndërprerë bashkëpunimin me kryetrajnerin Elon Berisha, si dhe me ndihmësit e tij Kastriot Rexha dhe Fitim Shabani.
Sipas njoftimit zyrtar të klubit, vendimi është marrë me marrëveshje të dyanshme pas ndeshjes së fundit, ku trajneri Berisha ka marrë përgjegjësinë për ecurinë e skuadrës. Në bashkëpunim me drejtuesit e klubit, palët kanë vendosur të mbyllin bashkëpunimin.
Klubi ka shprehur mirënjohje për kontributin e stafit teknik gjatë periudhës së tyre në krye të skuadrës, duke vlerësuar profesionalizmin, korrektësinë dhe përkushtimin e treguar. Në deklaratë theksohet se rezultatet e arritura dhe pikët e fituara janë produkt i punës dhe sakrificës së përbashkët.
Gjithashtu, FC Malisheva ka bërë të ditur se dyert e klubit mbeten të hapura për bashkëpunim të mundshëm në të ardhmen me trajnerin dhe stafin e tij.
Ndërkohë, drejtuesit e klubit pritet të analizojnë hapat e ardhshëm dhe të marrin vendimet e nevojshme në funksion të realizimit të objektivave të sezonit.
