Kthehet Albi Mall Superliga, Drita pret Malishevën në Stadiumin sintetik
Albi Mall Superliga e Kosovës rikthehet sot (e premte) me dy përballje në kuadër të xhiros së tetë, ku secila ndeshje pritet të jetë më interesante se tjetra.
Pas pauzës ndërkombëtare, futbolli kosovar rikthehet me ndeshjet e kampionatit, ku sot, e premte, do të zhvillohen dy përballje interesante.
Ndeshja Llapi – Ballkani ka filluar në ora `14:00, ndërkohë që pjes e parë ëhstë mbyllur pa gola. Ndërkohë, nga ora 18:00, Drita do të jetë nikoqire e Malishevës në stadiumin me bari artificial në Gjilan.
Gjilanasit kërkojnë fitore në këtë ndeshje në shtëpi pasi e kanë nisur sezonin me formë të përzier, teksa malishevasit janë në formë të lartë me pesë fitore, një barazim dhe një humbje.
Të dyja ndeshjet pritet të sjellin rivalitet në garën për pikë të rëndësishme në kampionat, ndërsa xhiroja e tetë do të vazhdojë të shtunën me dy ndeshje të tjera dhe do të përmbyllet të dielën me duelin mes Prishtinës dhe Dukagjinit.
